Kurdî û dostê înan vera hêrişanê îşxalî yê dewleta tirke bajarê Dusseldorfî yê Almanya de ameyî têhet.  Badê rayraşîyayîşî qiseykerdişê ke ameyî kerdene de mesajê xurtkerdişê têkoşînî ameyî dayene.

Hemsereka KON-MEDî Zubeyde Zumrut ard ziwan ê do vera hêrişanê îşxalî bêveng memanê û pê ruhê 15ê Tebaxe hêrişananê îhmakerdişî yê vera gerîlayan ûşarê kurdî bişiknê.

Sîyasetmedarê kurdî Hatîp Dîcle zî şehîdî yad kerdî û vat: ''Dewleta tirke seba ke nêeşkena xoverdayîşê gerîlayan bişino kena ke mabênê kurdan de şer bido destpêkerdene. Ganî PDK nê kayana mexapîyo pê ruhê yewîya neteweyîye têbigêro.''

Hemsereka Koma Partîya Çepe ya Eyaletê Hamburgî Cansu Ozdemîr zî vat: ''Nê rayraşîyayîşî rayna ramojna ke şarê kurdî peyê paştîya partîya xo û Rayberê Şarê Kurdî Abdullah Ocalanî de yo. Xoverdayîşê şarê kurdî do ser bikewo. Ma sey partîya çepe semedê wedaritişê qedexeyê PKKyî do xebataê xo rê dewam bikerê.''

Aytene Kaplana ke bi nameyê TJK-E qisey kerd,  vist vîrî ke şerê vera DAÎŞî cinîyan ê kurdan sefanê vernî de ca girewt û vat  kurdî terorîst nêyî, terorîst Erdogan o.

Temsîlkara HDPyî ya Almanya Leyla Îmret polîtîkaya Almanya ya vera kurdan şermezar kerd û vat: '' Kurdan xeyrê Hemleya 15ê Tebaxe destkewteyî fînayî dest û ganî nika bi yewbîyayîşî nê destkewteyî bêrê pawitene.''