Nobeta Azadîye ya ke hetê Înîsîyatîfê Ocalanî rê Azadîye ra 25ê hezîrana 2012î de dîyabî destpêkerdene, hewteyê 527. de dewam kena.

Çalakîye no hewte hetê endamanê Merkezê Komelê Demokratîkî yê Kurdan ê Berlinî ra ameye dewrgirewtene. Koma nobete de Huseyîn Yilmaz, Veysî Oruç, Neşhwan Harîkî û Fewzî Efrînî ca gênê. 

Huseyîn Yilmazî nameyê kome ser o qisey kerd û Şorişê Rojawanî yê 19ê Temmuze fîraz kerd. Yilmazî bale ante tecrîdê vera Rayberê Şarê Kurdî Abdullah Ocalanî ser û îfade kerd ke seba wedarnayîşê tecrîdî ganî her kes erkê xo yê tarîxîyî bîyaro ca.

Yilmazî venga dezgeh û rêxistinanê Ewropa da ke wa wezîfeyanê xo bîyarê ca.