Serekwezîrê Îskoçya Humza Haronn Yousafî Serekkomarê Tirkîya Tayyîp Erdogan dawetê Îskoçya kerdbi û wexto ke rojnamegeran zulmê Erdoganî yê vera kurdan vistbi vîrî ey vatbi ''Tirkîya endamêka NATOyî ya.''

Kurdîstanijanê Îskoçya verê Parlamentoyê Edinbourghî de dawetê Yousafî protesto kerd. Wekîla Partîya Keskan Maggie Chapman, îdarekarê Sendîkaya Îskoçya û wendekarî tewrê çalakîye bîyî. Çalakîye de alê YPG û YPJyî û pankartî ameyî akerdene.

Wekîle Chapman çalakîye de vera dawetê Yousafî nêrazîbîyayîşê xo mojna û şîdetê Erdoganî yê vera kurdan şermezar kerd. 

Endamê Merkezê Komelê Demokratîkî yê Kurdan Ugur Akoyî zî îfade kerd ke dewleta tirke û rejîmê Erdoganî sûcdarê şerî yê, dawetê Yousafî cayê şerme yo û ganî Yousaf kurdan ra uzrê xo biwazo.