Erol Aydemîrî zî Îtalya de dest bi grevê vêşanîye kerd

Erol Aydemîr o ke bajarê Caglîarî yê Girawa Sardenya ya Îtalya de ciwîyeno, bi amancê protestokerdişê tecrîdê serê Rayberê Şarê Kurdî Abdullah Ocalanî dest bi grevê vêşnaye kerd.

Xoverdayîşê grevê vêşanîye yê ke bi serkêşîya hemsereka KCD’yî Leyla Guvene bi amancê protestokerdişê tecrîdê serê Rayberê Şarê Kurdî Abdullah Ocalanî ame destpêkerdene, dewam kenê.

Bi nê amancî Erol Aydemîr o Girawa Sardenya ya bajarê Caglîarî yê Îtalya de ciwîyeno zî dest bi grevê vêşnaye kerd. Aydemîrî bi eşkerayîyêka nuştekîye çalakîya xo daye zanayene û şerwano enternasyonalîst ê YPG’yî Lorenzo Orsettî yo ke Dêrazorî de şerê vera çeteyanê DAÎŞ’î de şehîd bîyo, yad kerd. Aydemîr da zanayene ke vera tecrîdkerdişê Rayberê Şarê Kurdî Abdullah Ocalanî  ey dest bi grevê vêşanîye kerdo û roja Newroze çalakîya xo daya destpêkerdene.   Aydemîrî bale ante çalakîya fedaî ya Zulkuf Gezenî zî û vat, “Mazlûm Dogan, reyêka bîne îspat kerd ke Newroze şeklêka xoverdayîşî ya. Leylayan, Nasiran, Zulkufan, Xeyrîyan, Kemalan, Elîyan ra alaya xoverdayîşî dewr girewte û newe ra tarîx nuşt.”