Paytextê herêma almanî ya Belçîka Eupenî de serkêşîya Serekê Şaredarîye û Komîteya Cinîyan de semedê mexdûranê erdlerzî yê Kurdîstan û Sûrîye şewa paştîdayîşî ameye organîzekerdene.

Şewa ke  awanîya Alterschlachthofî de ameye viraştene, kurdîstanij û belçîkayijan zaf eleqe mojna ci.

Şaredara Eupenî Claudia Niessen qiseykerdişê xo yê şewe de hîsanê xemgînî ardî ziwan û seba paştîdayîşî veng da.

Bi nameyê Însîyatîfê Cinîyan ê Kurdan Sûheyla Solîn qisey kerd û sipasîya beşdaran kerde.

Hetkarîyî ke ameyê arêdayne bi raya Heyva Sor a Kurdîstanî do biresê mexdûranê erdlerzî.

Çalakî bi konserê muzîkî qedîyaye.