Çarçewa Hemleya 'Abdullah Ocalanî rê azadîye, meseleya kurdan rê çareserîya sîyasîye' de Basel, Fribourg û Kopenhag de çalakîyî ameyî kerdene.

Paytextê Danîmarka Kopenhag de keyeyî ameyî zîyaretkerdene û kartpostalî ameyî vilakerdene. Kanrtpostalan ser o kurdîstanijan mesajê xo nuştî.

Şaristanê Baselî yê Swîsre de selahîyetdaranê Partîya Basta de kombîyayîşêk ame kerdene û dosyaya derheqê tecrîdî pêşkêşê selahîyetdaran ameye kerdene. Kombîyayîş de bire dîyaye ke seba azadîya Abdullah Ocalanî û tepişteyanê sîyasîyan çalakîyê hemparî bêrê kerdene.

Şaristanê Fribourgî yê Swîsre de zî endamanê TCŞ û TEKO-JIN kartpostalî şawitî zîndanê Îmraliyî. Hemserekê CDK-FRyî Orhan Hazarî tîya de qisey kerd û pare kerd ke ganî seba azadîya Rayberê Şarê Kurdî pêro kurdîstanijî 17ê sibate de verê xo bidê Kolnî.