Xeylêk şaristananê Ewropa de bi şayîyanê heybetînan Newroze ameye fîrazkerdene. Şayîyan de fotografê Rayberê Şarê Kurdî Abdullah Ocalanî, alê PKK, YPG û YPJyî û fotografê şehîdan ameyî akerdene.

Qiseykerdişan de bale ameye antene Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' ser û ame parekerdene ke serra 2024î do biba serra azadîya Rayberê Şarê Kurdî Abdullah Ocalanî.

Şayîyan de xoverdayîşê gerîlayan û grevê vêşanîye yê tepişteyan ame selamkerdene. Şayîyan de qiseykerdoxan venga pêro kurdîstanijan û dostanê înan da ke 23yê adare de tewrê Newroza Frankfurtî bibê û azadîya Ocalanî biwazê. 

Xeylêk hunermendan şayîyan de sehne girewt. Kurdîstanijan bi kincanê neteweyîyan û flamayanê keskûsûrûzeran adir vist ta û heta şewe govende girewte. Şayîyan de vera sloganê sey ''Bijî Serok Apo'', ''Newroze Pîroz Be'', ''Bijî Berxwedana Zîndanan'' û ''Jin, Jiyan, Azadî'' ameyî vatene.

Berlin

Boon

Leer

Bochum

Erfurt

Hamburg

Bremen

Luzern