Çarçewa Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' de Ewropa de kampanyaya Îmraliyî rê erşawitişê karpostalan dîyaye destpêkerdene. 

Kampanya serkêşîya KCDK-E de 8ê çeleyî de dest pêkerde. Hemsereka KCDK-E Zubeyde Zumrut ard ziwan ke înan xeylêk wextî ra amadekarîya na kampanya kerdêne, kartpostalî amade kerdê, vila kerdê û bi nê hawayî startê kampanya dayo.

Kartê ke bi îngilîzkî, kurdkî, fransizkî ûsn. amade bîyê tede azadîya Rayberê Şarê Kurdî yena waştene û derheqê çareserîya meseleyanê cinîyan, globalan û kurdan de mesajî dîyenê.

Mesajan ra tayênî wina yê:

''Birêz Abdullah Ocalan;

Ez seba paştdayîşî to rê nusena. Ewro cinîyî her ca de seba heqanê xo têkoşîn kenê. Cenabê to wina vatbi 'Heta ke cinîyî azad nêbê komel azad nêbeno.' Cenabê to sloganê Jin, Jiyan, Azadî sey îlhamî da dinya! Ez zî sey cenabê to fikirîyena û seba ke cenabê to fikranê xo bîyaro ca ez azadîya to wazena.''

''Birêz Abdullah Ocalanî,

Cenabê to vatbi ke 'Vêşanîye, bêkarîye, şerî û talanî netîceyê îxanetê vera ekolojî yê. Komelo ke ekolojîya ci çin a, weş nîyo.' Ez bi pêro zerrîya xo nê perspektîfê cenabê to tesdîq kena û seba ke cenabê to fikranê xo yê serê ekolojîya sosyale bîyaro ca ez azadîya to wazena.''