Xeylêk şaristananê Almanya de sere de şehîdê Qirkerdişê Parisî şehîdê têkoşînê azadîye ameyî yadkerdene.

Şaristanê Stuttgartî de serkêşîya YJK-E de şehîdê Qirkerdişanê Parisî Sakîne Cansiz, Fîdane Dogan, Leyla Şaylemez, Evîne Goyî, Mîr Perwer û Abdurrahman Kizil ameyî yadkerdene. Bi seyan kurdîstanijî tewrê merasîmê yadkerdişî bîyî. Merasîm de derheqê şehîdan de sînevîzyonêk ame mojnayene. Hozan Comerdî zî merasîm de lawikî vatî.

Şaristanê Giessenî de şehîdê Operasyonê Şorişgêrî yê Zap û Xakurkê Memyan Armanc (Hakim Tekîn), Welat Serhed (Welat Sonmez), Huseyîn Azad (Elyasa Çîftçî), Helmet Şahîn (Kawa Takor)  û şehîda Botanî Bêrîtane Tanya Fecîr ameyî yadkerdene. Bername de ame vatene ke gerîlayî bi xoverdayîşê xo destanî nusenê. Merasîm bi slogananê sey “Bijî gerîla”, “Bijî Serok Apo” û “Şehîd Namirin” qedîya.

Şaristanê Saarbruckenî de doktore Bêrîtane Tanya Fecîr (Selma Şavlig)a ke 12ê temmuza 2023yî de Besta de şehîd bîya, bi beşdarîya keyeyê xo bi merasîmêkî ameye yadkerdene. Birayê şehîde Ferît Şavligî merasîm de pare kerd ke  waya ci şehîde Bêrîtane înan rê têkoşînê xo sey mîrasî verdayo û ê do heta azadîya Rayberê Şarê Kurdî Abdullah Ocalanî û Kurdîstanî têkoşînê xo rê dewam bikerê.