Ewropa de vera îşxalkarîya dewleta Tirkî çalakîyî

Xeylî welatanê Ewropa de vera hêrişê îşxalî yê dewleta Tirkî yê vera Rojawan û Başûrê Kurdistanî çalakîyî ameyî viraştene.

Almanya, Fransa Hollanda, Awusturya  û xeylî welatanê bînan ê Ewropa de Kurdistanijî  û dostê înan vejîyayî kuçeyan û hêrişê îşxalî yê dewleta Tirkî yê vera Rojawan û Başûrê Kurdistanî şermezar kerdî.

Berlîn

Paytextê Almanya Berlîn de bi rayraşîyayîşêk hêrişê dewleta Tirkî yê vera Başûr û Rojawanê Kurdistanî ameyî şermezarkerdene. Çalakîya ke xeylî kesî tewrê ci bîyî de welatanê Ewropa ra ame waştene ke wa vera îşxalî bivejîyê.

Munîh

Bajarê Muhînî de zî vera hêrişê îşxalî yê dewleta Tirkî Kurdistanijî û dostê Înanan kuçeyan de bî. Çalakgeran bi slogan û pankartan bêvengîya Ewropa ya vera îşxalî şermezar kerde.

Frankfurt

Frankfurt de zî bi heman waştişî çalakîye ameye viraştene.

Munster

Munster de zî vera hêrişê îşxalî yê dewleta Tirkî yê vera Kurdistanî vengê nêrazibîyayîşî bi berz.

Draguîgnan

Bajarê Draguîgnanî yê Fransa de zî Kurdistanijan çalakîyêk organîze kerd. Çalakîye de tecrîdê serê Rayberê Şarê Kurdî Abdullah Ocalanî û hêrişê îşxalî yê dewleta Tirkî yê vera Kurdistanî ameyî şermezarkerdene.

Marsîlya

Bajarê Marsîlya de zî Kurdistanîjî hemverê herişanê dewleta Tirkî yê vera Kurdîstanî de meydanan de bî. Qiseykerdişan de ame vatene ke tena Rayberê Şarê Kurdi Abdullah Ocalan eşkeno problemî çareser bikero.

Bordeaux

Bordeax  de zî mîtîngêk ame viraştene. Bi seyan kesî tewrê çalakîye bîyî û derheqê polîtîkaya hêrişkare ya dewleta Tirkî de xeylî vilawekî vila kerdî.

Rennes

Rennes de bi rayraşîyayîşêk hêrişê dewleta Tirkî yê vera Başûr û Rojawanê Kurdistanî ameyî şermezarkerdene û ame vatene ke Rojawan tena nêyo.

Atîna

Paytextê Yûnanîstanî Atîna de zî heta verê konsoloxaneyê Tirkî rayraşîyayîşêk ame viraştene. Bado zî qiseykerdişan de hêrişê dewleta Tirkî ameyî şermezarkerdene. Qiseykerdişan de ame vatene ke Kurdê ke Ewropa de yê do timûtim kişta Têgêrayîşê Azadîye yê Kurdî de bê.

Den Haag

Bajarê Den Haagî yê Hollanda de zî bi eşkerayîyêka çapemenîye hêrişê dewleta Tirkî ameyî şermezarkerdene.

Vîyana

Paytextê Awusturya Vîyana de vera hêrişê dewleta Tirkî Kurdistanijan hêrsê xo ard ziwan. Qiseykerdişan de ame vatene ke Kurdî vera çeteyanê DAÎŞ’î şer kenê dewleta Tirkî ya îşxalkare zî hêrişê Kurdan kena. Ganî Ewropa vera naye bêveng memano.

Graz

Bajarê Grazî de zî Kurdistanijan hêrişê dewleta Tirkî yê vera Kurdistanî şermezar kerd.