Dezgehanê Kurdistanijan û Tirkîyayijan ê ke Ewropa de yê  seba ke vera xespkerdişê şaredarîyanê HDP’yî pîya mucadelê bikerê, ‘Platformê Demokrasîyî’ na ro.

Vera hêrişê dewleta Tirkî yê vera Kurdan razînêbîyayîşî dewam kenê. Semedê paştdayîşê HDP’yî paytextê Almanya Berlîn de hetê temsîlkaranê dezgehanê cîya-cîyayan ra kombîyayîşêk ame viraştene û kombîyayîş de qerarê ronayîşê ‘Platformê Demokrasîyî’ ame girwtene. Qiseykerdişan bale ame antene xoverdayîşê vera faşîzmî û muhîmîya mucadeleyê  hemparî ser o ame vindetene. Platformî teqwîmê çalakîyanê xo zî eşkera kerd. Goreyê naye 23’ê Tebaxe ra heta 14’ê Êlule do çalakîye bêrê viraştene.

Çalakîyan ra tayî wina yê:  24’ê Tebaxe de rayberîya KCDK-E de xeylî cayanê Ewropa de çalakîyê ke yenê viraştene do hempar bê. Çalakîyê hashtagî do bêrê girdkerdene. 26-27-28’ê Tebaxe de do çalakîyê merkezî yê xeyman bêrê viraştene. 29’ê Tebaxe de derûdorê şaredarîyan û Bruksel de derûdorê Parlamentoyê Ewropa de çalakîyê zincîrî bêrê viraştene. 27 û 28’ê Tebaxe de her ca de bi şaredarîyan pêvînayîşî do bêrê kerdene ke wa vera qeyûman eşkerayîyan bidê. 1’ê Êlule de heme welatan bi qeyûm do bêro teşhîrkerdene. Semedê kampanyaya TJK-E ya ke 7’ê Êlule do bêro destpêkerdene rêxistinanê cinîyan de do semedê paştdayîşî pêvînayîş bêrê kerdene. Hewteyê dîyin ê Êlule de do Kurdkî û Tirkî programê TV’yî bêrê viraştene. 14’ê Êlule de festîvala ke Hollanda de ameya plankerdene do biaçarîyo mîtîngî. Heyetêk do tewrê çalakîyanê 1’ê Êlule  ya Kurdistanî bibo.