Hemserekanê FED-KURDî Menderes Çambelî û Seyrane Batman bi eşkerayîyêke venga pêro kurdîstanijan da ke 17ê sibate de Koln de tewrê rayraşîyayîşê merkezî bibê.

Eşkerayîye de dîya zanayene ke Rayberê Şarê Kurdî Abdullah Ocalanî ra 35 mengî yo xeberêke nêna girewtene û tecrîdê Îmraliyî hînî vurîyayo sîstemê îşkenceyan. 

Eşkerayîye de wina ame vatene: ''Çarçewa Hemleya 'Abddullah Ocalanî rê Azadîye, Meseleya Kurdan rê Çareserîya Sîyasîye' de ma do bi meclîsan, komîsyonan, komunan û dostanê xo 17ê sibate de merkezê Kolnî de bi ruhê seferberîye cabigêrê. Ma do bi se hezaran biherikê Kolnî. Ma venga her kesî danê ke tecrîdî bişiknê û azadîya Rayber Apoyî bîyarê ca.''