Şaristanê Lutzerathî yê eyaletê NRWyî yê Almanya  28ê gulane de roja şemeyî do meymandarîya Festîvala Ciwananê Enternasyonalîstan bikero.

Festîvala Ciwananê Enternasyonalîstan do bi şîarê 'Têkoşînî yew bikerê, kapîtalîzmî birijnê' bêra serûberkerdene. Festîvale de bi taybetî têkoşînê Rojawanî bêro qalkerdene. Festîvale bi hemkarîya LutzerathLebt û Make Rojava Green Again do bêra kerdene. TCŞ û TÊKO-JIN reyde xeylêk têgêrayîşê antî-faşîst, antî-kapîtalîst û îklîmî yê Almanya zî do tewrê festîvale bibê.

Festîvale de hunermendî Rêber Serhed, Dîlane Top, Koma Rewşen, Bandista, Nûarîn, Çetîn Oraner û koma almanan Sorah & Întare zî do vejîyê sehne ser. Hetê bînî ra festîvale de semîner, pêramotiş, atolyeyê grafîtî, aktîvîteyê voleybol û kaşikî zî do ca bigêrê.

Komîteya Amadekarîye ya Festîvale venga pêro ciwanan da ke seba cuyêka alternatîfe û vera sîstemê nikayênî tewrê festîvale bibê.