Festîvala Kulturê Dêrsimî ya Ewropa ya 11’ine ke vizêr veraşan şaristanê Frankfurtî yê Almanya ameye destpêkerdene bicoş dewam kena.

Ferstîvala ke hetê temsîlkarê federasyon, sazî û dezgeyanê Dêrsimî ra yena organîzekerdene bi panele “Binê zordarîya modernîte de Dêrsim” û Dêrsim de Cînî û Ciwanîye’’ dest pêkerde.  Bado zî heta seatnê ereyî Cem ame viraştene. Festîvale de slogana ‘ Dêrsim ê ma yo’ verjîyaye vernîye. Qiseykerdişê akerdişî ra dima Gulbeng ame viraştene û bi deyîranê Kirmanckî yê Koroyê Domanan ê Domananê Dêrsimî dewam kerde.

Serekê AABK’yî yo anorkî  Tûrgût Okerî bale anete muhîmîya yewbîyayîşî ser û vat ke tena eke ma bibê yew ma eşkenê ser bikewê. Ma ameyeyê na festivale şawenê Dêrsim. Bado zî Grûbe Anka  vejîyaye sehne. Serap Mûtlû Berake, DEDEF, Hidir Kûtlan, FEDA, ADEF, Yewîya Dayîkanê Laçigsipîyan, Kîrvem Erdal, Kadîr Demîr, Kemal Bulbul, Ozan Dîyar, Ozlem Baglayane, Ferhat Tûnç û Grûbe Ûmûda Haykirişî do festîval de ca bigêrê. Festîval de do bi edetanê Dêrsimî veyve bêro kerdene.