Tesîsê sporî yê Escape Champ de Foîre Roûte de Refîûznîks yê banlîyoyê Parîsî de bi tewrbîyayîşê ciwananê Kurdan ê Fransa Festîvala Ciwanan û Kulturî ya Engîn Sîncerî ya 13’ine amî viraştene.

Posterê Rayberê Şarê Kurdî Abdullah Ocalanî, PKK, Zeynep Kinaci (Zîlane), Mazlûm Dogan, TJK-E, TCŞ û pankartê ‘Ma tecrîdî bişiknê, faşîzmî birijnê û Kurdistanî azad bikerê,’ ‘Bi ruhê Egîd û Çîyageran ma Rayber Apoyî azad bikerê’ ameyî daleqnayene.

Festîvale de maçê fînalî yê fûtbolî ame kaykerdene ke tûrnûwaya menga Gulane de bîbî yewin.

Teberê maçê fûtbolî de setrenc û maçê badmîntonî, tenîsê masa û voleybol zî ameyî kaykerdene.

Dimayê wendişê peyamê Rayberê Şarê Kurdî Abdullah Ocalanî yo ke 22’ê Gulan a 2019’î de pêvînayîşî de dabi, çalakgerê xoverdayîşê grevê vêşanîye Denîz Surgut zî bi telefonî tewrê festivale bi.

Festîvale de serê nameyê TCŞ’yî de Akîf Botanî, serê nameyê CDK-F’yî de Fevzîye Erdemîrcî û sîyasetmedarê Kurdan Firat Vartoyî qisey kerd.

Koma Zarokên Rojê, Denîz Demane, Farqîn Azad û Seyda Perînçek zî vejîyayî sehne.