Festîvala Kultur û Hunerê Kurdan a Fankfurtî bi coşî dewam kena. Girse bi deyîranê hunermendanê TEV-ÇANDî govendan gênê. 

Festîvale de Hemsereka KNKyî Zeynebe Murad û Hatîp Dîcleyî nameyê beşdaranê Hemleya 'Abdullah Ocalanî rê Azaadîye, Meseleya Kurdan rê Çareserîya Sîyasîye' de qisey kerd.

Zeynebe Murad pare kerd ke Hemleya Azadîye resaya astêka girînge û xoverdayîşê Îmraliyî pîlêr kerdo. Zeynepe vat: ''Felsefeya Jin, Jiyan, Azadî ya Rayber Apoyî bîya îlhamê têkoşînê cinîyanê dinya. Şarê ma dormeyê Rayber Apoyî de kom bîyo.''

Hatîp Dîcleyî vera bêvengîya serê tecrîdê Îmraliyî nêrazîbîyayîşê xo mojna û venga pêro kesan da ke cade vera tecrîdî têbigêrê.

Dima hunermende Şehrîbana Kurdî vejîyaye sehne ser.

Festîvale de Hemserekê DBPyî Keskîn Bayindirî zî xîtabê girseyî kerd û vat:''Kurdê çar parçeyanê Kurdîstanî seba nasname û ziwanê xo têkoşîn kenê. Kurdan vera zorbazîye 50 serrî yo sereyê xo nêard war û do nêaro. Şarê kurdî bawer keno ke no têkoşîn do ser bikewo. Seba haştîya Rojhelatê Mîyanênî azadîya Birêz Ocalanî zaf girîng a. Coka wa her kes paştî bido nê têkoşînî.''

Bayindirî Rayraşîyayîşo Derg ê ciwanan sekam kerd.