Şaristanê Edinburghî yê Îskoçya de hetê Komelê Kurdan ê Demokratîkî ra Festîvala Futbolî ya Kurdan a Şehîd Mehmet Aksoyî ya 9. ameye serûberkerdene.

Turnuvaya festîvale de Taximê Zaza bi hîrêyîn, Taximê Serhat bi diyîn û Taximê Çîya zî bi şampîyon. Turnuva ra dima festîvale dest pêkerd. Festîvale de rojdemê sîyasîyî ser o ame qiseykerdene û derheqê têkoşînê Mehmet Aksoyî de sînevîzyonêk ame mojnayene.

Domanan zî xo rê kêf kerd. Seba domanan zî musabeqa ameye serûberkerdene. 

Festîvale bi govende qedîyaye.