Fînlandîya  dimayê hêrişê îşxalî yê Tirkîya yê vera Vakur û Rojakewtena Sûrîye , Tirkîya rê rotişê çekan vindarna.

Wezîrê Pawitişî yê Fînlandîya Anttî Kaîkkonenî hesabê xo yê Twîtterî ser ra  eşkerayîyêk daye û va: ‘‘Rewşe giran a. Goreyê berpisîyarîya xo ez eşkena naye vajê: Fînlandîya welatêkê şer kenê û heqanê merdimî binpay kenê înan rê malzemeyê pawitişî îxraç nêkena. Goreyê Wezîre Pawitişî nika lîsansê qet çekêk nêdîyayo Tirkîya û semedê lîsansanê ke cuwa ver ameybî tesdîqkerdene zî cipersayîş yeno kerdene. Hukmat zî bi eşkerayîyêk da zanayene ke ê paşt danê eşkerayîya ke Yewîya Ewropa no derheq de daya û vat Fînlandîya hêrişê vera Sûrîye şermezar kena û wazena ke no hêriş bêro vindarnayene.