Frankfurt de çalakîya paştdayîşê tepişteyanê sîyasîyan

Frankfurt de bi wesîleya  18ê Adare Roja Paştdayîşê Tepişteyanê Sîyasîyan a Mîyanneteweyî hetê ATÎF û AGÎFî ra  aktîvîteyêke ameye organîzekerdene.

Bajarê Frankfurtî yê Almanya de bi wesîleya  18ê Adare Roja Paştdayîşê Tepişteyanê Sîyasîyan a Mîyanneteweyî hetê ATÎF û AGÎFî ra  aktîvîteyêke ameye organîzekerdene.

Aktîvîteya ke bi goştarîdayîşê muzîkî ameye zengînkerdene de fotografê Rayberê Şarê Kurdî Abdullah Ocalanî û ê  tepişteyanê sîyasîyan ameyî kiriştiene. Reyna bi dovîzan bale ameye antene serê çalakîya Grup Yorumî ke endamê ci 274 rojî yo grevê vêşanîye de yê.

Aktîvîte de ame waştene ke wa tecrîde serê Ocalanî cade bêro wedartene. Qiseykerdişan de ame vatene ke dewleta tirke bîlasebebê bi seyan domanî, wendakarî, nêweşî û sîyasetmedarî eştî zîndanan û rewşa înan xirab a. Reyna vîrusê Korona yo ke dinya tehdît keno ame vîrardene û ame waştene ke wa semedê tepişteyan wa tedbîrî bêrê girewtene. Hetê bînî ra bale ameye antenê polîtîkaya dewleta Almanya ya vera kurdan ser û ame vatene ke sîyasetmedarê kurdî û muxalîfî zîndanan de yê. Aktîvîte de 9 koçberê ke yew menge cuwa ver Hanau de hetê hêrişêkê nîjadperestî de ameyî qetilkerdene ameyî vîrardene û polîtîkyê vera macîran ameyî şermezarkerdene.