Paytextê Fransa Parîs û bajarê Bordeauxî de hêrişê dewleta Tirkî yê vera Başûrê Kurdistanî ame protestokerdene û endamê Konseya Serekîya Pêroyîye ya KCK’yî Dîyar Xerîb ame vîrardene.

Mîtîngê Parîsî  de vera hêrişê îşxalkarîye yê dewleta Tirkî reaksîyon ame dayene û bale ameye antene serê hemkaranê îşxalkaran. Qiseykerdişan de hukmatê Başûrê Kurdistanî ame rexnekerdene û ame vatene ke ê bi serran o  ke şarê xo rê xîyanet kenê û kiştê dişmenî de ca gênê û înan ra ame waştenê ke na xeletîya girde ra peyser agerê.  Mîtîng de endamê Konseya Serekîya Pêroyîye ya KCK’yî Dîyar Xerîb zî ame vîrardene û vatene ke ê do bi felsefeya Ocalanî xoverdayîş gird bikerê û amancê Xerîbî û heme şehîdan bica bîyarê.

Bajarê Bordeauxî yê Fransa de zî bi tewrbîyayîşê bi hezaran kesan îşxalkarîya dewleta Tirkî û hemkarîya hukmatê Başûrê Kurdistanî ya dewleta Tirkî ameye protestokerdene.