Delîbaş Arato ke 26ê nîsane ra nata şaristanê Marsilya yê Fransa de bi bahaneya 'destûrê ci yê mendişî çin o' tepişte yo. Seba Arato ke babîyê çar domanan o, perwerdekaranê domananê Aratî kampanyaya îmzayan dîyaye destpêkerdene.

Metno ke Walîtîya Bouches du Rohone rê erşawîyayo, wina yo: ''Ma sey mamosta, asîstananê perwerdeyî û wezîfeyanê xizmetê komelkî yê Kolejê Vallons de Pincî eşnawit ke babîyê Lorîne û Delîla tepişîyayo. Di birayê wird kênayan dibistana sereke de û kreş de wanenê, çar domanî zî wendekarê hol ê.  Ma red kenê ke wendekarê ma destê ma ra şorê yan zî bi vilabîyayîşê keyeyê xo bêasayî bimanê. Ma nêwazenê ke birê îdarîyî tesîrê asayîya domanan bikerê. Seba ke dibistane rê dewam bikerê, ma rîca kenê ke destûr bidê babî tîya de bimano.

Ma şima ra wazenê ke destûr bidê ke ma wezîfeyê xo yê perwerdeyî temam bikerê. Ma rîca kenê ke heqê mendişî bidê dadî û babîyê keyeyê Aratî.''