Bazarîya ke bi bedelê endamîya NATOyî ya Swêd û Fînlandîya dewleta tirke reyde vera kurdan ameye kerdene, şaristanê Gavle yê Swêdî de hetê enternasyonalîstan û kurdan ra ameye şermezarkerdene.

Nuştoxe Anna Jorgensdotter çalakîye de qisey kerd û vat: ''Tewirê Swêdî nêno qebulkerdene.''

Nameyê Merkezê Komelê Demokratîkî yê Kurdan (NCDK) ser o Jin Haco seba Swêd û Fînlandîya vat: ''Şima kurdan dejnenê û qesawetê kurdan zêdînenê.''

Aktîvîst Klas Ivarssonî vat: ''Ma vera şer ê û nêwazenê dîktator Erdoganî de bazarîye bêra kerdene.''

Enternasyonalîstan çalakîye de alayê PKK û posterê Rayberê Şarê Kurdî akerdî.