Gerîlayê HPG’yî yo Alman Michael Panser (Bager Nûjîyan) memleketê ci Postdam de bi rayraşîyayîş û mîtîngî ame vîrardene. Aktîvîte de slogana, ‘Almanya fînanse kena, Erdogan bombavarankeno‘ bale ante xo ser.
Gerîlayê HPG’yî yo Alman Michael Panser (Bager Nûjîyan) memleketê ci Potsdam de bi aktîvîteyêka kîtlekî rojêk verê 1’ê Êlule yo ke roja bîyayîşê ey o ame vîrardene. Aktîvîte de slogana, ‘Almanya fînanse kena, Erdogan bombavarankeno‘ bale ante xo ser.
Aktîvîteya ke hetê embazanê Panserî ra ameye organîzekerdene bi eşkerayîye ameye destpêkerdene û bi sloganan rayrşîyayîşêk ame viraştene û xeylî vilawekî ameyî vilakerdene. Slogana, ‘Almanya fînanse kena, Erdogan bombavaran keno‘ morê xo da aktîvîteye ro. Polîsan rîyê pankarta ke fotografê Panserî de beyreqa PKK’yî esta hêriş kerd û kesêk destbend kerd. Badê rayraşîyayîşî mitîngêk ame viraştene û embazanê Panserî derheqê ey de qisey kerd.
Mîchael Pansero ke Meksîka ra heta Kolombîya, Venezuela û Nîkaragua mucadele kerdo 2017 de tewrê sefanê PKK’yî bibi. Panser hêrişê artêşa Tirkî ya 14’ê Kanûn a 2018’î yê vera Wareyê Pawitişî yê Medya de şehîd kewt. HPG’yî semedê Panserî mesajê, ‘‘Keyeyo erjyaye yê Panserî semedê Bager Nûjîyano ke bîyo sembolê mucadeleyê ma yê azadîye, çend sereberz bo zî tay o‘‘ weşana bi.
