Fermandarê Yewîya Gerîlayanê Bejikî yê Dêrsimî yê MLKP/FESK’î Taylan Kûtlaro (Adîl Yildirim) ke 10’ê Temmuze Dêrsim de hêrişê hewayî yê rejîmê Tirkî de cuya xo vînî kerde bajarê Stıttgartî yê Almanya de ame bivîrardene.
Gerîlayê MLKP û HPG’yî Stuttgart de ameyî bivîrardene. Kombîyayîş salona konferansî ya Lilo Hermanî de roja Sêşemeyî ame viraştene.
Fermandarê Yewîya Gerîlayanê Bejikî yê Dêrsimî yê MLKP/FESK’î Taylan Kûtlar (Adîl Yildirim) û gerîla Hidir Çalli (Ozkan Aslan) ke 10’ê Temmuze qezaya Pulurî ya Dêrsimî de rîyê hêrişê hewayîyî ra cuya xo vînî kerde ameyî bivîrardene. Pîya bi înan heman wextî de hîrê gerîlayê HPG’yî yê ke heman hêrişî de cuya xo vînî kerde ameyî bivîrardene. Kombîyayîşê vîrardişî bi deqeyêka hurmetgirewtişî yê seba vîrardişê şehîdanê azadîye û sosyalîzmî dest pêkerd û dima ra sînevîzyon ame ramotene.
Kombîyayîş de eşkerayîya Komîteya Merkezî ya MLKP’yî ya derheqê gerîlayanê ke şehîd bîyê amî wendene. Eşkerayîye de ame pêhesnayene ke sey partîya Taylan û Hidiran ê do timî bibê serkêşê komunîstan. Kombîyayîş de temsîlkarê sazîyan qisey kerd û vînayîşê xo pare kerdî. Kombîyayîş bi eştişê slogana “Şehîdê Dêrsimî nêmirenê” qedîya.
