Gerîlayo enternasyonalîst Jakob Rîemer (Şîyar Gabar) o ke 9’ê Temmuz a 2018’î de şehîd kewt, bi wesîleya serrgêra şehadetê ci de hetê Tatort Kurdistanî ra Hamburg de bi aktîvîteyêk ame vîrardene.

Aktîvîte de Sarah Handemane ( Sara Dorşîne) ya ke 7’ê Nîsane de Wareyê Pawitişî yê Medya de şehîde bîye  a zî ameyî vîrardene. Virardiş de derheqê Rîemerî de sînevîzyonêk ame ramotene. Rojnamegerê Annet Bendere, Anja Flcahe ya ke hîrê serrî koyanê Kurdistanî de gerîlatîye kerde, û temsîlkaranê ÎSKU ra Wolfgang Strow tewrê aktîvîteyî bîyî û derheqê her di gerîlayan de qisey kerd. Hunermend Şener Yildiz bî bi deyîranê xo aktîvîte de ca girewt.