Kurdîstanijan Girawa Zelandî ya Danîmarka de rayberîya Merkezê Komelê Demokratîkî yê Kurdan de bi armancê şermezarkerdişê Komployê Mîyanneteweyî yê vera Rayberê Şarê Kurdî Abdullah Ocalanî rayraşîyayîşê di rojan da destpêkerdene.

Çalakîkerê ke seba azadîya Ocalanî yelegî dabî xo ra, 16 kîlometreyan şîyî. Çalakîkeran wexto ke verê Temsîlkarîya Yewîya Ewropa (YE) ra şîyêne polîtîkayê YE yê vera kurdan şermezar kerdî. Rayraşîyayîş de deyîrî ameyî vatene, sloganê sey 'Biciwîyo Serek Apo', 'Bê serek cuye nêbena' ameyî vatene.

Peynî de vilawekî ameyî vilakerdene û kitabanê Ocalanî ra tay beşî ameyî wendene.

Çalakîye ewro do Svanemøllen de do bêra kerdene. 15ê sibate de zî rayberîya têgêrayîşê cinîyan de verê Şaredarîya Kopenhagî de çalakîya roniştişî do bêra kerdene.