Heyetê Haştîye ke vera hêrişê îşxalî yê deweleta tirke yê Başûrê Kurdîstanî waşt Kurdîstan de tay pêvînayîşan bikero amebi astenkerdene. Beşekê heyetî vizêr resa bi paytextê Almanya Berlinî beşo bîn zî resa bajarê Frankfurtî.

Heyetê Haştîye bi kurdîstanijan û dostanê înan ra bi slogana ''Bimiro xayînîye'' ame peşwazîkerdene.

Demîr Çalîkî ke bi nameyê grûbe qisey kerd vat: Ma sey grûba verêne ya Heyetê Haştîye resayî Hewlêrî. Grûba dîyine Dusseldorf de bi tewirêkê bêhuqûqî ameye astenkerdene. Hewlêr de ma 27 kesî cade ameyî destbendkerdene û destûr nêdîya ke debikewê Hewlêrî. Vatênê ''Şima ameyî ke hûzûrê ma bixeripnê.'' Ma zî vat: ''Şerê mabênê kurdan do bibo felaketê kurdan û eke no şer biqewimîyo Kurdîstan statûyê xo do vînî bikero. Ma nê şerê mabênê kurdan nêwazenê. Coka ma ameyî.'''

Badê qiseykerdişî sloganê ''Bimiro xayînîye'', '' Bicîwîyo xoverdayîşê gerîlayan'' û ''Biciwîyo Rayber Apo'' ameyî eştene.