Beşêkê Heyetê Haştîye yo ke waştbi Berlinî ra şoro Başûrê Kurdîstanî û hetê PDKyî ra amebi astengkerdene Berlin de ame pêşwazîkerdene. Endamanê heyetî ANFyî rê qisey kerd.

Bîrgul Ozpolat: Seba ke şer bêro vindarnayene, gonîya way û birayan nêra rijnayene ma şîbî Hewlêr. Nêzdîbîyayîşê PDKyî yê vera ma merdimîye ra dûrî bi. Ma zî qebul nêkerd.

Remezan Mendo: Ma sey Heyetê Haştîye şîyî Hewlêr. Hêzan ma rê mudaxele kerd û ma asteng kerdî. Wexto ke ma resayî Hewlêr destê înan de lîsteya nameyê ma bîyî, pabeyê ma bîyî. Nameyê ma senî kewtê destê înan nêzanena la nameyê mi lîsteyanê tirkan ra ber qet yew lîste de çin o. Dewleta tirke wazena mabênê kurdan de şer veja. Ma seba ke verê ney bigêrê şîyî uja. La ma maruzê nê nêzdîbîyayîşî mendî ke zerar dano kurdan û Kurdîstanî. Nika PDK nêzdîyê dewleta tirke yo û na têkilîye zerar dana Kurdîstan.

Rojnameger Henrich Schucz: Wexto ke ma resayî Hewlêr mi fam nêkerd se bi. Agahîye nêdîyaye ma ke ma çira ameyê destbendkerdene. Bi hawayêkê bêdemokrasî şîyayîşê ma ame astengkerdene.