Hannover û Kopenhag de tecrîd ame protestokerdene

Bajarê Hannoverî yê Almanya û paytextê Danîrmarka Kopenhag de tecrîdê serê Rayberê Şarê Kurdî Abdullah Ocalanî ame protestokerdene.

Bajarê Hannoverî yê Almanya û paytextê Danîrmarka Kopenhag de tecrîd ame protestokerdene û xoverdayîşê grevê vêşanîye ame silamkerdene.

Hannover

Hannover de rayberîya Meclîsê Komelê Kurdî yê Demokratîkî (DKTM) û bi paştdayîşê Meclîsê Cinîyan ê Şehîd Ronahî çalakîyêk ameye viraştene. Çalakîya ke cinîyî bi laçiganê sipîyan tewrê ci bîyî de derheqê tecrîd û grevê vêşanîye de xeylî vilawekî ameyî vilakerdene. Çalakgeran bêvengîya Ewropa protesto kerd û ard ziwan ke waştişê xoverdayoxan waştişê înan ê û heta bicaardişê nê waştişan ê do tim kuçeyan de bê.

Kopenhag

Kopenhag de zî semedê wayîrvejîyayîşê grevê vêşanîye û rojeyê mergî Kurdîstanijî û dostê înan kuçeyan de bî. Qiseykerdişan de ame vatene ke rewşa weşîya xoverdayoxan rewna merheleya krîtîke ra ravêrta û welatanê Ewropa ra ame waştene ke vera naye bêveng memanê. Çalakgeran bi sloganan xoverdayoxî silam kerd û ard ziwan ke heta serkewtiş ê zî do meydanan de bê.