Kurdîstanijanê herêma Stavrapolî ya Rûsya bi şayîyêke Hemleya 15ê Tebaxe fîraz kerde. Şayîye bi deqayêkê rêzgirewtişî dest pêkerd.

Hemserekê Otonomîya Kurdan a Stavrapolî Huseyîn Ahmedov û Temsîlkarê Rûsya yê Îdareyê Xoserî yê Rojawanî Reşad Bênavî şayîye de qisey kerd.

Qiseykerdişan de bale ameye antene netîceyanê girîngan ê hemle ser.

Hetkara Serekê Novoaleksandrovskî Ludmila Nikolayevna Gorovenka zî şayîye de 'roşanê gandarbîyayîşî' yê kurdan fîraz kerd.

Hunermenda rûse Yliya Belousova vejîyaye sehne ser û hunerê xo pêşkêş kerd. Koma govende û Hesen Mamedov û Mihemed Rustemov zî şayîye de vejîyayî sehne ser.