Hemsereka Partîya Çepe Kippinge seba HDPyî veng da

Hemsereka Partîya Çepe ya Almanya Katja Kipping tedaya AKP-MHPyî ya vera HDPyî şermezar kerde û seba ke na teda biqeda Wezîrê Karanê Teberî Maasî ra waşt ke wa têbigêro.

Hemsereka Partîya Çepe ya Almanya Katja Kipping bi eşkerayîyêke  tedaya AKP-MHPyî ya vera HDPyî şermezar kerde. Kippinge da zanayene ke rojanê peyênan de bi seyan HDPyîjî ameyî destbendkerdene û derheqê wekîlanê HDPyî de 9 fezlekeyî Meclîsî rê dîyayî. Kippinge waşt ke nê hêrişê vera HDPyî wa cade biqedîyê.

Kippinge venga Wezîrê Karanê Teberî Heiko Maasî da ke wa nê hêrişan şermezar bikero û cade têbigêro. Kippinge vat: ''Nê binpaykerdişê heqanê merdiman ê Tirkîya û Erdoganî wa peygoş nêbê.''

Kippinge ard ziwan ke faturaya sereraştkerdişê têkilîyanê mabêmê hukmatanê alman û Erdoganî muxalefetê Tirkîya rê birîyena û vat: ''Nê sûcan de hemkarîya Almanya zî esta.''

Hemsereka Partîya Çepe Kippinge bêvengîya partîya Merkele zî rexne kerde.