Cinîyê Kurdî yê Komara Xosere ya Adigey a Federasyonê Rûsya, hêrişê dewleta Tirkî yê bi hemkarîya PDK’yî yê serê Wareyê Pawitişî yê Medya bi eşkerayîyêka çapemenîye şermezar kerdî.

 Eşkerayîya ke hetê Organîzasyonê Cinîyan ê Kurdan ê Adigey ra amî dayene de ame vatene, “PDK dewleta Tirkî dir xo keno yew û wazeno hêrişê serê qezencanê PKK’yî bikero.”

Hemsereka Komeleya Kulturê Kurdan ê Adigeyî Sînem Broyeva eşkerayîye de, ke Merkezê Kulturê Kurdan ê Adigeyî ra amî dayene, qisey kerd û vat tekane amacê dewleta Tirkî o yo ke heme Kurdan tasfîye bikero. Broyeva dewam de vat ê, sey cinîyê Kurdî yê Federasyonê Rûsya, heta peynî peyrewê mucadeleyê azadîye ya bi serkêşîya PKK’yî de yê û hêrişanê hêzanê faşîstan û yê heme xayînan şermezar kenê.