Dima ke polîsanê Fransa hêrişê çalakîkeranê verê Konseya Ewropa kerd London de şar vera ney vejîya meydanan. Girseyî hêrişê polîsanê Fransa û xîretê dekewtişê Şingalî yê PDKyî şermezar kerd.

Çalakîya rayraşîyayîşî rayberîya Têgêrayîşê Ciwanan ê Şorişgêran, TÊKO-JIN û Meclîsê Şarê Kurdî yê Londonî de pê sloganê 'Biciwîyo Serek Apo' ameye kerdene.

Dima çalakîye pê eşkerayîyêke qedîyaye. Eşkerayîye de ame vatene ke hêrişê Fransa nêno qebulkerdene û hêrişê winasênî xizmetê Tirkîya kenê. Çalakîkeran vat ke xoverdayîş û têkoşînê înan heta azadîya Abdullah Ocalanî do dewam bikerê.