Xeylêk şaristananê Ewropa de hêrişê îşxalî yê dewleta tirke yê vera Rojawanî bi çalakîyanê cîya-cîyayan ameyî protestokerdene.

Şaristanê Dortmundî yê Almanya de kurdîstanijan pankartê sey ''Peynîya îşxalê dewleta tirke yê vera Rojawanî bigêrê'' akerdî. Qiseykerdişan de  ame parekerdene ke Şorişê Rojawanî heman wextî de Şorişê Cinîyan o û heta peynî ganî do bipawîyo. 

Şaristanê Marsilya yê Fransa de verê temsîlkarîya Neteweyanê Yewbîyayeyan (NY) de çalakîya şermezakerdişî ameye kerdene. Çalakîye de alê YPG û YPJyî ameyî akerdene. Çalakîye de venga welatanê NY û Ewropa ame dayene ke wa cade hêrişanê dewleta tirke yê vera Rojawanî bigêrê.

Şaristanê Lille yê Fransa de serkêşîya ciwanan de çalakîyêke ameye kerdene. Çalakîyan de sloganê sey ''Kiştox Erdogan'', ''Bijî Berxwedana Rojava'' ameyî vatene. Ciwanan çalakîye de derheqê hêrişanê dewleta tirke de vilawekî zî vila kerdî.