Heta ke tecrîd nêro wedaritene têkoşîn do dewam bikero

Serdanê seba xoverdayoxanê grevê vêşanîye yê Strasbourgî ke 94 rojî yo grevê vêşanîye de yê dewam kenê.

Teba  grevê vêşanîye yê bêdem û bêagêrayîşî yê Strasbourgî, grevê vêşanîye yê bêdem û bêagêrayîşê verê banê Konseya Ewropa û CPT’î hewteyo çarin de yê.

Grevê vêşanîye yê bêdem û biagêrayîşî yo  panc rojan de reyî hetê gruba ke 10 kesan ra yena pê, yeno dewamkerdene. Grev no hewte hetê gruba TJK-A’î ra ame dewrgirewtene.

Grube vizêrî şîye serdana xoverdayoxanê grevê vêşanîye yê bêdem û bêagêrayîşî. Zozan Rojava bi nameyê grube wextê serdane de qisey kerd û ard ziwan ke, amancê hemleya xoverdayîşî ya bi serkêşîya cinîyan dest pêkerda, wedaritişê tecrîdkerdişê Rayberê Şarê Kurdî Abdullah Ocalanî yo, coka no xoverdayîş wayîrê muhîmîya tarîxkî yo.

Rojava da zanayene, Têgêrayîşê Azadîye yê Kurdan têkoşînê azadîye yê cinîyan o û ard ziwan ke Leyla Guvene sewîyeya azadîya cinîyan nîşan dana. Rojava vat, azadîya Ocalanî azadîya cinîyan a û heta ke tecrîd nêro wadaritene ê do têkoşînê xo dewam bikerê.