Nobeta Ocalanî rê Azadîye ya ke bajarê Strasbourgî ya Fransa de vernîya Konseya Ewropa (KE) de yena viraştene, no hewte hetê endamanê Têgêrayîşê Cinîyan ê Kurdan ê Ewropa TJK-E ra ameye dewrgirewtene.

Grûba ke  roja Yewşeme nobete dewr girewte de Saadet Kûrane, Muzeyyen Orale û Xezal Mamedova ca gênê. Bi nameyê grûbe eşkerayîyêk ameye dayene û bale ameye antene serê muhîmîya Nobeta Azadîye ser û ame waştene ke şarê Kurdî yê Ewropa wayîrê nobete bivejîyo. Çalakgeran vera qeyûmanê ke bajaranê pîlan ê Kurdistanî de ameyî cakerdene zî reaksîyon da vat vera hêrişanê dewleta Tirkî do xovrdayîşê şarî ser bikewo. Endamanê TJK-E rolê cinîyan ê mîyanê xoverdayîşî vist vîrî û ard ziwan ke ganî cinî hîna aktîf çalakîyan de cayê xo bigerê û semedê azadîya Ocalanî zî tewr zaf ê mucadele bikerê.

Çalakîya Nobeta Azadîye ya ke 25’ê Hezîrane 2012 ra nata yena domnayene menge de tewr tay rayêk hetê pabesteyanê TJK-E ra yena rayraberdene.