Wekîla DEM Partî Gulcane Kaçmaz Sayyîgît Avusturya zîyaret kerde û heyetêkî reyde Şaredara Grazî Elke Kahr zî zîyaret kerde.

Heyetî derheqê netîceyanê weçînayîşanê herêmîyan ê Tirkîya û Vakurê Kurdîstanî, xîretê xespkerdişê îradeyê şarî, xoverdayîşê şarî, sîstemê Îmraliyî û rewşa Rayberê Şarê Kurdî Abdullah Ocalanî de agahîyî dayî. Heyetî waşt ke paştî bêra dayene xîretanê DEM Partî.

Heyetî dima prosesê sîyasîyî yê Tirkîya û Kurdîstanî ser o kombîyayîşêk kerd. Wekîle Gulcane tîya de ard ziwan ke ê wazenê ke meseleya kurdan bi rayîranê demokratîkan bêra çareserkerdene. Gulcane bale ante girîngîya pîlkerdişê rêxistinîya kurdan a Ewropa û caardişê yewîya şarê kurdî ser.