Merkezê Îrtîbatî û Çapemenîye yê HPGyî nasnameyê hîrê gerîlayanê ke  Metîna de şehîd bîyî eşkera kerdî û nê pare kerdî:

''Ma hemrayanê xo mîlîtananê erjîyayeyan Sorxwîn, Ezda û İlyas ê ke 29ê temmuza 2018î de herêma Metîna de hêrişê dişmenî de heta hela peyêne felsefeya cuyeya azade ra tewîz nêda û tewrê kerwanê şehîdan bîyî, bi hurmet û mînetî yad kenê.

Hemraya ma Sorxwîne cinîya jîhat û cesure ya Serhedî semedê azadkerdişê welatê xo tewrê refanê gerîlayan bena, bi tewrbîyayîşê xo yê samîmî û durustî embazanê xo rê bena nimûne û bena fermandara YJA Starî. Têkoşînê xo yê 12 serran de xeta cinîya azade de xeylêk gamanê serkewteyan erzena. Hemraya ma Sorxwîne perwerdeyê xeylêk hemrayanê xo gena xo ser û heme wezîfeyanê xo bi serkewtişî ana  ca.

Hemraya ma Ezda sey cinîyêka xoverdayoxe ya Botanî tewrê têkoşînê azadîye beba û sey mîlîtanêka serkewtîye ya PAJKî semedê azadîya şar û welatê xo têkoşîn kena. Zagrosan ra heta Behdînan xeylêk waranê Herêmanê Pawitişî yê Medya de têkoşîn kena û her warî de nasnameyê cinîyan azade temsîl kena.

Hemrayê ma Îlyas seba ke hêvîya azadîye ya şarê ma bîyaro ca Bazîdî ra tewrê refanê azadîye beno û bi têkoşînê xo keno ke waştişê şarê ma bîyaro ca. Hemrayê ma Îlyasî tim waştêne şiro waranê têkoşînî yê zehmetan. Têkoşînê azadîye de wextê kilmî de xo aver beno û beno gerîlayêko serkewte.

Ma sere de keyeyanê erjîyayeyan ê hemrayanê xo Sorxwîne, Ezda û Îlyasî rê, şare erjîyayeyî yê Dîgor, Silopîya û Bazîdî û heme şarê welatperwerî yê Kurdîstanî rê serweşîye wazenê û soz danê ke ma do têkoşînê hemrayanê xo ser bifînî.''

Nasnameyê hemrayanê ma yê şehîdan wina yê:

Nameyê Qodî: Sorxwîne Çiya Name û Peyname: Kadere Duman Cayê Bîyayîşî:  Qers Maye-Pî:  Perişane – Gaffar Tarîx û Cauê Şehadetî: 29ê Temmuza 2018î / Metîna

 

Nameyê Qodî: Ezda Faraşîn Cûdî Name û Peyname: Heyhate Turan Cayê Bîyayîşî: Şirnex Maye-Pî: Faniye – Bahattin Tarîx û Cauê Şehadetî: 29ê Temmuza 2018î / Metîna

 

Nameyê Qodî: İlyas Aydin Gul Name û Peyname: Sabahattin Tanriverdi Cayê Bîyayîşî: İstanbul Maye-Pî: Yuksele – Emin Tarîx û Cauê Şehadetî: 29ê Temmuza 2018î / Metîna

Sorxwîne Çiya

 

Ezda Cûdî

İlyas Gul