Fransa de tewr tay 120 roşnvîr, nuştox, sporwan, hunermend û kesayetan rojnameyê Liberationî de vilawekêk weşana û venga pêro kesan da ke seba ke bibê vengê haştîye yê Kurdîstanî 13ê çeleyî de Marsilya de tewrê konferansî bibê.

Mîyanê 121 kesayetan de Annie Ernaux, Edgar Morin, Ariane Ascaride, Patrick Chamoiseau, Joseph Andras, Gérard Chaliand, Ernest Pignon Ernest, Sepideh Farsi, Patrick Baudouin, Françoise Cotta, Rony Brauman, Didier Fassin, Valérie Manteau, Jean Ziegler, Robert Guédiguian, Gilbert Mitterrand, Alice Mogwe, Olivier Weber, û Elie Guillou zî est ê.

Vilawek de ame parekerdene ke ganî çew nêbo hemkarê sûcanê dewleta tirke yê vera kurdan û ganî her kes kurdan bipawo. Vilawek de ame vîrvistene ke mabênê 5-9ê teşrîna verêne de artêşa tirke 580 reyî hêrişê Rojawanê Kurdîstanî kerdo, bi desan sivîlî qetil kerdê û binawanîya Rojawanî xera kerda. 

Vilaweke de bale ameye antene tecrîdê vera Rayberê Şarê Kurdî Abdullah Ocalanî ser zî û ame parekerdene ke Ocalanî ra 30 mengî yo xeberêke nêna girewtene û no zî hêrsê kurdan zêdîneno.

Vilawek de wina ame vatene: ''Ma seba ke vera nê şerê vera kurdan tewirê xo bimojnê 13ê çeleyî de kom bê. Seba ke verê çinkerdişî bêro girewtene, seba ke vengê haştîye berz bibo ma ma do kom bibê.''