Îngilîstan de sendîyê tewr pîlî Unite The Union û GNM wextêkî ra nata Kampanyaya 'Wextê ci yo; Abdullah Ocalanî rê Azadîye, Kurdîstanî rê Haştîye' anê ca. Rojnameyê almanan Junge Welto hûmara xo ya ewroyêne de rîpelêk de bi temamî ca da vengdayîşê kampanyaya sendîkayan. 

Verî zî rojnameyanê Tageszeitung (TAZ) û Der Freitagî ca dabi heman vengdayîşê kampanya.

Xebera vengdayîşî de fotografo ke êlula 2019î de Kongreya Konfederasyonê Sendîkayanê Britanya de amebi girewtene şuxilîya. Fotograf de sendîkawanî posterê Rayberê Şarê Kurdî Abdullah Ocalanî berz kenê. Rîpel de serê fotografî de zî 'Ocalanî rê Azadîye' nuseno.

Vengdayîşê kampanyaya sendîkayan de yeno vîrvistene ke Abdullah Ocalan 22 serran ra nata bi hawayêkê îlegalî yeno tecrîdkerdene. Vengdayîş de yeno parekerdene ke kurdî Abdullah Ocalan sey îradeyê xo vînenê û azadîya ci wazenê.

Vengdayîş wina dewam keno: ''Ocalan têna fîguro sîyasî nîyo. O heman wextî de wayîrê fikrê konfederalîzmê demokratîkî yê Rojawanî, aktorê çareserîya meseleya kurdan o. Ma pê bawer ê ke şer û alozîyê Rojhelatê Mîyanênî yê ke hetê dewleta tirke ra virazîyenê, pê azadîya Ocalanî û tepişteyan ê sîyasîyan ê bînan do biqedê.''