Kayanê Furbolî yê bajarnê Hamburg û Bremenî yê Almanya de pankartê paştayîşê Rojawanî ameyî akerdene.
Lîgo 2’in ê Almanya de Standa Mîllerntor a Hamûrgî de kayê mabênê St. Paûlî û Darmstadt 98 de terefgiranê St. Paûlî seba hêrişanê îşxalkaran û qirlerdişan ê dewletea Tirkî yê serê Rojawanî protesto bikê, trîbun bi paçanê kesk, sûr û zer xemilnayî û alaya pîle ya YPG’yî reyde pankarta ‘Wa Biciwîyo Rojawan’ akerde.
Lîgo 1’in de kayê mabênê SV Werder Bremen û Hertha BSC Berlînî de alayê kesk, sûr û zerd ameyî berzkerdene. Terefgiranê SV Werder Bremenî pankarta ‘Destê xo Rojawanî rê Tepîya Bigêrê’ akerde.
Taximê St. Paûlî dima kaykerdoxo Tirk Cenk Şahîn wasifê îşxalkarîya Tirkî ya serê Vakur û Rojakewtena Sûrîye dabi, taximî ra vetibi.