KCDK-E pare kerd ke ê do vera hêrişanê îşxalî yê dewleta tirke yê serê Mexmûr, Şingal, Herêmanê Pawitişî yê Medya Ewropa de û xeylêk welatanê dinya de çalakîyanê şermezarkerdişî serûber bikerê.

KCDK-E  vat: ''Ma venga şar, ciwananê Kurdîstanî, elewîyan, êzidîyan, demokratan, xirîstîyanan, demokratan, şorişgêran danê ke vera polîtîkayanê îşxal û qirkerdişî yê AKP-MHPyî pê şîarê 'Wext wextê azadîye yo' tewrê çalakîye û bernameyan bibê û xoverdayîş geş bikerê.''

KCDK-E derheqê çalakîyan de nê agahîyî dayî:

-12ê hezîrane de Ewropa, Kanada, Avusturalya de çalakîyê nawnayîş û rayraşîyayîşî do bêrê kerdene.

-13ê hezîrane de semedo ke Recep Tayyîp Erdogan do tewrê kombîyayîşê NATOyî beno çalakîyî do bêrê kerdene.

-14ê hezîrane de Ewropa, Avusturalya û Kanada de pêro şaristanan de do çalakîyî bêrê kerdene.

-26ê hezîrane de semedo ke serrgêra çalakîya nobeta 'Ocalanî rê Azadîye' ya Strasbourgî ya çalakîyî do bêrê kerdene.

-Mabênê 26ê hezîrane û 3ê temmuze de pê beşdarîya hemserek û temsîlkaranê dezgehan û dostan do çalakîya nobete bêra kerdene.

-4ê temmuze de asta dinya de vera faşîzmê AKP-MHPyî, vera îşxalê înan do çalakîyî bêrê kerdene.