Kongreya Komelê Demokratîkî ya Kurdîstanijanê Ewropa (KCDK-E) bi şîarê 'Ma bi ruhê xoverdayîşê Zapî, sîstemê xo yê neteweya demokratîke awan bikerê, Kurdîstanî ra kolonyalîzmî vejê' kombîyayîşê xo yo serrane kerd.

Netîcenameyê kombîyayîşî wina yo:

''Kombîyayîş bi beşdarîya 180 delegeyan, hemserek, temsîlkar, merkezanê komun, bawerî û parçeyan qedîya.

Kombîyayîş de hêrişê îşxalî yê dewleta tirke bi hawayêkê hîrayî ameyî nîqaşkerdene. Kombîyayîşê ma de vera îşxal û gefanê îşxalî îradeyê pîlkerdişê têkoşînî vejîya werte û bi qerardarîyêka pîle ya têkoşînî qedîya.

Kombîyayîşê ma bi hişmendîya azadîya Rayber Apoyî yena manaya azadîya Kurdîstanî pêkerdişêk kerd û mojna ke caardişê azadîya Rayberîye û Kurdîstanî têna pê tekoşîn û xoverdayîşê vera îşxalî mumkîn o. Kombîyayîşê ma îxanetê Barzanîyan mehkum kerd û bire daye ke vera îxanetî têkoşîn bikero.

Kombîyayîşê ma de bire dîyaye ke çarçewa Hemleya Wextê Azadîye de xebatî bêrê kerdene.

Kombîyayîşê ma de bire dîyaye ke komelo azad bêro rêxistinkerdene, bi şîarê 'Ganî kurdîstanijêk/e zî bêrêxistin nêmano/e' xebatî bêrê dewamkerdene.

Kombîyayîşê ma de bire dîyaye ke xebatê meclîs, komun, akademî û kooperatîfî bêrê pîlkerdene, bingeyê paradîgmmaya Rayber Apoyî de her ca de xebatê awankerdişî bêrê kerdene.

Kombîyayîşê ma de bire dîyaye ke xebatê vera qedexeyê serê PKKyî bêrê xurtkerdene û dewamkerdene.

Kombîyayîşê ma de bire dîyaye ke bi tewirêkê zelalî pîlkerdişê têkoşînê îdeolojîkî bêro kerdene.

Kombîyayîşê ma de têkoşîno emserîn ame nîqaşkerdene, kêmasîyî ameyî perskerdene û seba pîlkerdişê têkoşînî qerar dîya.

Sey KCDK-E ma îdîa kenê ke pêro plan û hêrişanê qirker û komplogeran çin bikerê.''