Dîwanê Hemserekîye yê KCDK-E derheqê Şingalî de eşkerayîyêka nuştekîye weşanaye.

Eşkerayîye wina ya:

''Hukmatê Iraqî amadekarîyan keno ke 10 hezar leşkeran bierşawo Şingalî û PDK zî 3000 hezar leşkeran do bierşawo.Komelê êzidîyano ke DAÎŞî ra dima xo esasê azadî û demokrasî de cuyêke awan kerde binê gefêkê pîlî de yê. Şarê Şingalî û Kurdîstan nê planê gemarinî sey 'fermanê neweyî' vînenê.

Wexto ke şarê Şingalî vera DAÎŞî vindertêne PDK ça de bi? PDKyî şingalijî destê DAÎŞî de verdayî. Ewro zî pê nê planan qirkerdişêkê neweyî rê rayîr dîyeno.

Meclîsê Xoserîya Demokratîke yê Şingalî eşkerayîya xo de da zanayene ke hewceyê înan pê pawitişê hêzan ê leşkerîyan çin o û şarê Şingalî binê her şertan de do erdê xo bipawo. Ganî şarê ma wayîrêŞingalî vejîyo û destûr nêdo polîtîkayanê gemarinan.

Ma sey KCDK-E seba ke verê fermanêkê bînî bêro girewtene venga şarê xo danê ke her cayê Ewropa de 26ê teşrîna verêne de vejîyê meydanan û wayîrê Şingalî vejîyê.''