KCDK-E bi eşkerayîyêke vera gef û hêrişanê îşxalî yê dewleta tirke seba pawitişê Şorişê Rojawanî venga pêro kurdîstanijan û dostanê înan da ke tewrê çalakîyanê 23ê temmuze bibê.

Eşkerayîye de bale ameye antene ser ke Erdogan û dewleta tirke wazenê kurdan bi temamî qir bikerê, seba ney waranê leşkerî û dîplomatîkan de xebatan kenê. KCDK-E vat: ''Ma venga kurdîstanijan û dostanê înan danê ke bi ruhê seferberîye têbigêrê, sey xoverdayîşê Kobanê wayîrê Şorişê Rojawanî vejîyê. Dewleta tirke ya ke Zap, Metîna û Avaşîn de bin kewta, wazena Rojawan de ser bikewa. Bêrê ma serrgêra Peymana Lozanî de Şorişê Rojawanî bipawê. Ma do 23ê temmuze de Ewropa, Amerîka, Kanada û Avusturalya de bi ruhê yewîye, vera ê kesanê ke wazenê kurdan û Şorişê Rojawanî bifatisnê, her kesî seferber bikerê.

Kesê wayîrwijdanî ganî bi waştişê 'warê hewayî yê Rojawanî bêro qefilnayene' yê 33 partîyan gamêke bierzê. Ma venga terefgîranê azadî, têdûştî û demokrasî danê ke wayîrê Şorişê Rojawanî vejîyê. Seba ke warê hewayî yê Rojawanî bêro qefilnayene bêrê ma çalakîyan bikerê. Reyna 23ê temmuze de medyaya dîjîtale ser de ma tewrê kampanyaya hashtagan zî bibê. Ma venga dostanê xo, roşnvîr, şorişgêr û pêro pawitoxanê heqanê merdiman danê ke wayîrê Rojawanî vejîyê û tewrê çalakîyanê 23ê temmuze bibê.''