KCDK-E bi eşkerayîyêke pare kerd ke dewleta tirke ya îşxalkere vizêr bi hêrişanê xo Awbendê Tişrînî de şar kerdo hedef, 3 kesî şehîd kerdê û bi desan kesî birîndar kerdê. 

KCDK-E vat: ''Şaro ke bi rojan o çalakîya nobete keno hedefê dewleta tirke û çeteyanê ci de yo.

Artêşa îşxalkere bi astengkerdişê seferberîya şarî, kena ke plananê xo yê îşxalê Rojawanî bîyara ca. Seba ney zî bi metodanê barbaran krîteranê mîyanneteweyîyan binpay kena. Şarê sivîlî seba pawitişê xo têkoşîn keno. Bi hezaran sivîlî seba pîlkerdişê xoverdayîşê Tişrînî kewenê rayîrî la raştê hêrişanê dewleta tirke yenê. Ewro zî taxa Zorava ya Şamî de keyeyê sivîlan raştê hêrişî ameyî û bi seyan kesî bi zorî ameyî destbendkerdene. Ablûqa û destbendkerdiş hema zî dewam kenê.

Ma venga şarê xo danê ke bi şîarê 'Rojawanî bipawê' hêrişanê qirkerdişî protesto bikero.''