Dîwanê Hemserekîye yê KCDK-E bi eşkerayîyêka nuştekîye semedê tewrbîyayîşê çalakîyanê Şingalî veng da û nê vatî:

''3ê Tebaxa 2014î de çeteyanê DAÎŞî ke dewleta tirke paştî dana ci vera şarê êzidî qirkerdiş kerd. Ewro dewleta tirke wazenê eynî çî bikero. Verê çimanê dinya de hêrişê qirkerdişî vera êzidiîyan ameyî kerdene û dejê pîlî ameyî ciwîyayêne. Şarê Şingalî ke bi seyan şehîd dayî herra xo pawite û semedê ameyoxê roşnî cuya newe ra înşa kerde. Êzidîyê ke raştê hêrişê çeteyan ameyî nika meclîsanê xo de û bi xoîdarekerdişî cuya newe ra înşa kenê. Hêzê YBŞ û YBŞ/Jin vera hêrişê îşxalî yê dewleta tirke têkoşîn danê. Hukmatê herême ke şarê Şingalî wextê qirkerdişî de têna verda û hukmatê Iraqî û hêzanê mîyanneteweyî semedê vergirewtişê qirkeridşê êzidîyan gamêke nêeşte. Dezgehê mîyanneteweyî gerek cade game bierzê ke êzidîyî bibê wayîrê statuyî. Ma sey KCDK-E serrgêra 6. ya hêrişê qirkerdişî yê çeteyanê DAÎŞî yê vera êzidîyan meydanan de yê. Ma veng danê şarê xo û hetanê demokrat û şorişgêran ke wa tewrê çalakîyanê ma yê Ewropa, Awusturya û Kanada bibê.''