KCDK-E semedê ‘Kombîyayîşê şaran‘ ê Maastrîchî veng da

KCDK-E bi eşkerayîyêk waşt ke wa her kes hemvere hêrişanê vera Rojawan û Başûrê Kurdistanî yê faşîzmê AKP-MHP’yî û rejîmê qeyûman de tewrê ‘Kombîyayîşê şaran‘ ê Maastrîchî bibo û vengê xo berz bikero.

Diwanê Hemserekîya KCDK-E yo ke eşkerayîya nuştekîye daye Kurdistanijan û dostê înan ê ke Ewropa de yê înan ra waşt ke wa tewrê ‘Kombîyayîşê şaran‘ ê Maastrîchî bibê û vera hêrişanê îqtîdarî yê vera Kurdan vengê xo berz bikerê.

Eşkerayîye de ame vîrardene ke îtîdarê AKP’yî çend vînî keno hêrişê xo yê vera Kurdan hîna zêdeneno û nê ameyî parekerdene: ‘‘Îqtîdaro faîst zano ke peynîya ci nêzdî bîya coka bi heme hêzê xo hêrişê Kurdan keno. Hetêk ra vera Rojawan û Başûrê Kurdistanî herîşê îşxalî rayra benê, hetê bînî ra Vakur de bi qeyûman hêrişê hîrê bajaranê pîlan ê Kurdan kerd û îradeyê şarî xesp kerd.Vera qeyûmanê Amed, Wan û Mêrdînî bi hefteyan o ke welat û teberê welatî de çalakîyî yenê viraştenê. Rixmê heme herêşanê îqtîdarî îtîqatanê cîya-cîyayan ra şarî pêro pîya vera neheqîye mucadele kenê. Vera polîtîkaya hêrişkare ya rejîmê faşîstî yê AKP-MHP’yî Kurdî bi perspektîvê Rayberê Şarê Kurdî Abdullah Ocalanî yê netewa demokratîke têgêrenê û Kurdistan, Rojakewtena Mîyanêne û Ewropa de mucadeleyî rê rayberîye kenê. Na çarçewe de ma veng danê heme şaran û îtîqatan ke  wa tewrê ‘Kombîyayîşê şaran‘ ê Maastrîchî bibê û vera hêrişanê îqtîdarî yê vera Kurdan vengê xo berz bikerê. Wa şarî û dostê ma vera derbeya sîyesîye ya îqtîdarî, qeyûm, operasyonê qirkerdişî mucadeleyî xurt  bikerê û 12’ê Êlule de tewrê ‘Kombîyayîşê şaran‘ ê Maastrichtî bibê û vera zulm o zordarîye vengê xo berz bikerê‘‘