Dîwanê Hemserekîya KCDK-E ya ke vera hêrişê dewleta tirke yo ke Til Rifatî de 8ê ci domanî 10 kesî şehîd bîyî nêrazîbîyayîşê xo mojna, vat: "Ma venga pêro şarê xo û merdimanê hîsgêran danê ke ewro saete 17:00 de her ca de vejîyê meydanan''
Dîwanê Hemserekîya KCDK-E beyanatêko nuştekî weşana û vat: "Artêşa tirke qezaya Til Rifatî de rast a rast sivîlî kerdî hedef û înan ser o bombayî varnayî. Bombardûmane de 8ê ci domanî 10 kesî şehîd bîyî.
Artêşa tirke ya îşxalkere verê çimanê pêro hêzanê mîyanneteweyan de qirkerdiş kena û bi taybetî sivîlan kena hedef.Bombardûmana ke hetê artêşa tirke ya îşxalkere ra ameye kerdene, yeno a mana ya ke dewleta tirke û cergê aye kurdan ser o qirkerdiş kenê.Ma venga şarê xo kenê ke vera nê hêrişan hîsgêr bibo û vera nê hêrişanê namerdan her ca de ewro saete 17:00î de vejîyê meydanan, rîyê dewleta tirke ya barbare teşhîr biko. Ma reyna venga rayaumûmîya dinya danê ke vera nê qirkerdişan biba wayîra tewirêkî.
