Dîwanê Hemserekîya KCDK-E'yî vat, “Bi çalakîya roniştişî ya girseyî û grevanê vêşanîye mabênê 25-29’ê Adare de ma xoverdayîşî xurt bikerê.”

KCDK-E'yî vat, xoverdayîşo ke serkêşîya Leyla Guvene dest pêkerdibi bi xoverdayîşêkê bi sewîyeya dinya û vat, “Hepisxaneyan, Strasboûrg, Îngilistan, Hollanda, Almanya, Swîs û Kanada de reştî prosesê krîtîkî.”

Eşkerayîye de ame vatene, “Grevê vêşanîye yo ke bi hawayêkê qerardarî dewam keno, her cayê dinya de tesîr viraşto”.

KCDK-E'yî vat, zaf welatanê cîyayan de xeylî partî, sîyasetmedarî, roşnvîrî, grubê humanîstî û  şaran ard ziwan ke ê paştdayîş danê çalakîya grevê vêşanîye. Hukmatê Ewropa vera nê heşarbîyayîşî de bikewê tengasîye zî, semedê tewirê dirîyî ra verê çareserîye a nêkenê.

Hetê bînî ra eşkerayîye de ame vatene, no tewirê dewletanê Ewropa ke xo nayî ro kerr û lalîye, vernîya xoverdayîşî gêno ke nêreso amancê xo. Bêvengîya CPT’yî û tênêgêrayîşê ci zî no semed ra yo. No tewir cesaret dano dîktatorê dewleta Tirkî Ergodanî.

KCDK-E'yî  vat, ''Konseya Ewropa û CPT bi nê tewirî hemkarîya sucî kenê. Tewirê nê dezgehan keno ke tecrîdê serê Rayber Ocalanî girantir bibo. No tewir vera waştişanê heqdar, huqûqî û merdimî yê çalakwananê grevê vêşanîye de îmhayê Kurdan zêde keno. Armancê nê xoverdayîşî yo ke bi xoverdayîşê grevê vêşanîye bîyo sembol, parçekerdişê tecrîdî û zulmê faşîstî yo.

Sewîyeya yewine qedîyaye

Eşkerayîye de ame vatene xoverdayîşê grevê vêşanîye dinya de bîyo rojdem, sewîyeya yewine xo pey de verdaye, êdî dem ameyo ke dezgehê ke seba çareserîye û pratîkî qerar danê hîna ke kesêk nêmerdo çi dest ra yeno ganî lezabez bikerê.

KCDK-E'yî Ûgûr Şakar, Zulkuf Gezen, Ayten Beçete û Zehra Saglame ard vîrî û vat, “Çalakîyê fedaîyan musnena ke xoverdayoxî bi hawayêk ke eşkenê cuya xo do feda bikerê qerardar ê.”

Eşkerayîye de ame vatene xoverdayoxê grevê vêşanîye wazenê CPT û Konseya Ewropa bi lezabez bikewê mîyanê têgêrayîşî.

Eşkerayîye de wina ame vatene: “Seba ke nê waştişî bêrê ca û dezgehê hewceyî bikewê mîyanê têgêrayîşî mabênê 25-29'ê Adare de verê Parlamentoyê Ewropa (Rue Lucîen Febvre, 67000 Strasboûrg) de bi tewrbîyayîşê seyan kesan çalakîya roniştişî do bêra viraştene.

Seba ke Konseya Ewropa  bikewa têgêrayîş ma vengdayîş bi şarê xo kenê ke xoverdayîşê grevê vêşanîye xurt bikerê û tewrê çalakîya roniştişî û grevê vêşanîye yê mabênê 25-29'ê Adare bibê.”